HOKO Farm (已結業)

今日約咗朋友喺附近食飯，第一次食呢間餐廳。荷里活廣場嘅餐廳都唔係好多，見到呢間餐廳，一個Main course包餐湯同嘢飲都係都唔算好貴所以就試吓。麵包同餐湯質素都正常，送到黎都係熱辣辣嘅。我叫咗個青口意粉，味道都唔錯，但份量就偏少。試咗朋友個薯條，都外脆內軟。至於另外一個朋友叫咗羊扒配蘑菇意大利飯，我就無試，但佢話個羊扒都幾Juicy 。整體來講味道都不過不失啦。