鍾菜館

營業中

休息中

前一排去火炭探個親戚，探完之後就話去附近地方食飯，由於附近都冇咩選擇，而且呢間酒樓附近係可以停車，所以就揀咗呢間酒樓。但入咗佢哋嘅停車範圍之後，嗰啲印度籍管理員就係咁叫我比架車佢哋泊車，我講咗唔需要，我大把時間，但係佢哋死都要幫我泊。但又唔係無位，我都泊到啦。感覺佢哋係好想最尾你俾佢小費，我非常唔鍾意呢個感覺。所以如果要揸車嘅朋友想試呢間餐廳就要小心。點左幾個菜，燒鵝好多骨，雖然味道唔錯。另外有個蝦味排骨都還好，蝦味幾特別，而且非常脆。茄子煲就冇咩驚喜，感覺上係茶餐廳質素，但酒店嘅價錢。而且店員嘅服務態度一般，下次去火炭都未必會再幫襯。食完之後本來諗住坐多陣，但係覺得佢哋啲冷氣越嚟越凍，好似想趕人走咁。