峰壽司 (已結業)

大少話要食壽司, 所以就求其入o左一間. 明明食飯時間仲有大把位, 都知有古怪. 算啦, 反正都係陪大少, 坐下傾下計都得o既. 分享下我地食o左o既o野啦 :炸生蠔壽司 – 熱辣辣上碟, 炸漿唔厚, 酥脆, 蠔味濃, 好味道曼城卷 – 唔記得飯中間卷住o既係三文魚定吞拿魚配芝士, 味道出奇地夾, 個人好喜歡, 尤其係佢包面o既紅色粒粒, 係我食過最好味o既. 不過, 大少唔鍾意食芝士就食到咀歪歪.三文魚壽司 – 多筋, 魚身濕不過有魚味數之子壽司 – 因為好奇心, 所以叫o左呢個. 係黃色魚春, 咬落去好實, 無用醋醃過, 食味淡, 加o的豉油會較易入口. 呢個試一次就夠玉子壽司 – 太甜, 無蛋味, 可以唔食腐皮壽司 – 煮得唔夠耐, 好似唔熟咁, 中間咬落去係硬身o既, o趙o左好耐先吞到. 又唔夠味, 哎…牛舌壽司 – 做唔到香口鬆化效果, 好似咬緊鞋底, 食完都唔知自己食o左咩墨魚壽司 – 硬又無味, 好難食長鰻魚壽司 – 見個師傅仔大火燒已經知唔對路, 一望個面燒到燶哂, 食落好苦. 個汁又唔夠味, 得個顏色深. 成件鰻魚軟pear pear, 做唔到外脆內嫩o既效果