雲貴軒米線專門店

營業中

休息中

今日返工之前搵野食，見都幾想食米線所以去左食雲貴軒。  我叫左個米線，送係要豬腸既，男朋友就叫左個咖喱雞扒飯。個米線都無咩特別啦，都有好多豬腸同米線既，個湯底就同普通雲南米線既湯底差唔多，酸酸辣辣咁，，好開胃，d 米線唔會好淋，軟硬度啱啱好，因為我好驚d 米線煮到好淋既。 男朋友話個咖喱雞扒飯d 飯有d 淋，但d 雞扒係幾好食既，我見佢d 汁都好多，啱晒我d 最中意汁撈飯既人！哈哈。飲野都無咩特別，都係普通凍咖啡同熱華田。如果無咩特別野想食，食呢間都幾好既，米線個湯酸酸辣辣既開胃架。  之前係第二間食過佢地既肉躁飯，係好食架！ 下次我會揀返食肉躁飯！