Flash Coffee 天星碼頭 (已結業)

今日同朋友出咗尖沙咀，想買嘢飲，見附近Flash Coffee有做買一送一優惠，就去買咖啡。尖沙咀嘅Flash Coffee係天星碼頭，由海淘城行過去都要十幾分鐘。今次Flash Coffee期間限定DINOSAUR PARADE恐龍系列買一送一優惠。恐龍系列係Flash Coffee聯乘Milo嘅限定飲品。Flash Coffee可以揀咖啡杯size, 甜度同冰量。咖啡杯size有small size, regular size, large size。甜度有正常、半糖、無糖。我地點咗Milo Latte, regular size, less ice, regular sugar。價錢$40/杯，買一送一優惠平均$20/杯。Milo Latte飲落比較甜，飲完覺得口渴，但等到冰開始溶，味道啱啱好，唔會太甜。整體來說，flash coffee味道不過不失，價錢略貴。