影片
更多
2022-06-11
225 瀏覽
當日同屋企人慶祝生日，揀咗呢間日式放題店。當日接近9:00pm入座，每人$238另加一，而家嗌嘢食淨係去到10:00pm完，所以都食得有少少急。先論環境，呢間分店嘅位置好迫，啲人坐得密密麻麻，環境唔係太舒服，而且自助區啲嘢食同埋飲品都要去店外面拎嘅，個格局唔係咁好飲品種類選擇多而且有涼茶飲可以清熱解毒，當日飲咗罐裝夏枯草同埋韓國蘆薈飲品，不過就唔係幾鍾意蘆薈飲品食物質素方面，有啲食物幾出色因為我個人比較鍾意食刺身同埋壽司，所以差唔多每一款都嗌左一件嚟試下，三文魚刺身正常水準，幾新鮮好食，不過三文魚腩壽司就比較淡冇咩味，鮑片好食幾鮮甜，日本北海道帶子不過不失，油甘魚唔太好食，鯛魚水準一般，赤貝唔錯，刺身蝦一般，花之戀味道唔錯丶醬燒帝王蟹棒壽司好食，創作壽司方面魚籽拖羅塔幾特別，可以一試，炙燒三文魚味道OK呢間炸物水準唔錯，例如炸鮮奶丶南瓜天婦羅丶天婦羅蝦同埋皇帝蟹棒天婦羅丶榴槤炸彈，有驚喜！必試！不過芝麻雞翼就太鹹 自助區幾款熱食嘅中菜選擇，當日係蒸魚丶豬手丶瑞士雞翼等等，有啲驚喜嘅係瑞士雞翼雖然打開咗個蓋放咗喺度不過都係熱辣辣嘅，而且好入味，忍唔住食咗幾件黑椒蜜汁一口牛味道一般
當日接近9:00pm入座，每人$238另加一，而家嗌嘢食淨係去到10:00pm完，所以都食得有少少急。
先論環境，呢間分店嘅位置好迫，啲人坐得密密麻麻，環境唔係太舒服，而且自助區啲嘢食同埋飲品都要去店外面拎嘅，個格局唔係咁好
飲品種類選擇多而且有涼茶飲可以清熱解毒，當日飲咗罐裝夏枯草同埋韓國蘆薈飲品，不過就唔係幾鍾意蘆薈飲品
食物質素方面，有啲食物幾出色
因為我個人比較鍾意食刺身同埋壽司，所以差唔多每一款都嗌左一件嚟試下，三文魚刺身正常水準，幾新鮮好食，不過三文魚腩壽司就比較淡冇咩味，鮑片好食幾鮮甜，日本北海道帶子不過不失，油甘魚唔太好食，鯛魚水準一般，赤貝唔錯，刺身蝦一般，花之戀味道唔錯丶醬燒帝王蟹棒壽司好食，創作壽司方面魚籽拖羅塔幾特別，可以一試，炙燒三文魚味道OK
呢間炸物水準唔錯，例如炸鮮奶丶南瓜天婦羅丶天婦羅蝦同埋皇帝蟹棒天婦羅丶榴槤炸彈，有驚喜！必試！
不過芝麻雞翼就太鹹
自助區幾款熱食嘅中菜選擇，當日係蒸魚丶豬手丶瑞士雞翼等等，有啲驚喜嘅係瑞士雞翼雖然打開咗個蓋放咗喺度不過都係熱辣辣嘅，而且好入味，忍唔住食咗幾件
黑椒蜜汁一口牛味道一般
喺自助區域仲可以拎一啲前菜例如螺肉，味道ok
自助區可以揀水果，有哈密瓜同埋西瓜兩個都幾鮮甜，特別鍾意哈密瓜因為好甜唔會好淡無味
海鮮方面，嗌左香草牛油鮮大蜆，鮮甜而且冇沙，值得一讚
蒜蓉粉絲蒸扇貝還可以
另外我嗌左蒸龍躉不過嫌有啲腥
花膠味道都係一般，花膠燉鮮奶亦都唔係咁好食（唔夠實）
甜品方面係細細杯嘅 . 試咗木糠布甸同埋藍莓布甸，味道麻麻。
燒物方面，西京燒比目魚味道唔錯，個醬汁好惹味，不過因為有魚骨要食得小心啲！我食緊嗰陣時因為太心急哽親
燒鯖花魚有啲腥！
串燒方面，個人比較鍾意鹽燒牛舌，有啲黑椒調味，炸雞軟骨就唔好食，鹽燒雞翼亦都一般～
煮物方面，牛肉湯烏冬味道亦都OK
最後食埋榴槤雪條（喺自助區嗰度拎） 好味！
黑椒蜜汁一口牛
46 瀏覽
0 讚好
0 留言
花膠燉鮮奶
4 瀏覽
0 讚好
0 留言
西京燒比目魚
4 瀏覽
0 讚好
0 留言
天婦羅蝦同埋皇帝蟹棒天婦羅
1 瀏覽
0 讚好
0 留言
張貼
