泰國人海南雞 (杏花新城)

營業中

休息中

杏花邨一向無乜野食，係無得揀嘅情況下就揀咗呢間食午餐。學生有85折，無加一，相對黎講都算可以接受。嗌咗個海南雞金邊粉($62)，上菜速度算快，金邊粉唔會太腍，啱我口味。湯底食唔岀有咩味，但係舊蘿蔔夠腍無渣，浸住湯食都幾好味。雞就正正常常，無乜雪味，反而個汁就好鹹，少少辣，由於個汁真係太鹹，埋單後飲咗成枝水，三個鐘後個陣味都仲係到，依然好口渴。唔建議點咁多汁黎食。下次攞碟黑醬油點可能仲好味。未去到好抵食，但相比起鄰近幾間餐廳，都係正正常常。