西佑定食屋 (已結業)

六點幾鐘行過呢間餐廳，見呢間有位就入去啦。今日呢就係慶祝爸爸生日，其實爸爸行動不便，都去唔到遠。所以就求其喺樓下見到有位嘅餐廳就入去囉。店員都相當之有禮貌。隨意點左魚生呀、清酒煮蜆啊、一個蛋牛肉嘅定食，同埋好多其他嘅小食啦。老實講食物水準就一般般啦。咁又唔可以話係難食，普普通通咁啦。魚生嘅新鮮程度，我估同你去Marketplace supermarket 買嘅都差唔多囉。咁多様我就會推介清酒煮蜆啦。始終非常足料，好多蜆肉，湯都算幾入味。而且仲有個小火鍋可以興住食。咁都算唔錯啦。嗰日四個大人晚飯。埋單都係四百幾蚊，仲食到咁飽。而且都算坐得舒服，傾計都開心，亦冇人收曬你啲嘢趕你走。我覺得都收貨囉。