十六座車仔麵 (已結業)

車仔麵係１款富有香港特式既美食，細個好鍾意食，貪佢好多款美食可以選擇，十六座車仔麵旺角有２間，今日去左通菜街呢間，正值中午時間，店內坐滿食客，咁就唯有叫外賣返公司品嚐。等候期間，不妨欣賞下佢富有舊香港特式既裝潢，店外招牌公整直接，離遠都知道佢係賣車仔麵既，店內既收銀櫃有個大大既算盤，牆上有小巴既站牌，舊式筷子筒，日曆，信箱，漱口盅，揮春……，麵檔前採用波浪形鐵皮頂，好多幾十年前擺設嘅打卡位。至於食物方面，車仔麵的食物質量不算特別出眾。牛腩有點鞋、魷魚帶有一點嚼勁，豬大腸洗得乾淨的。個麵拎到返公司有點過淋。湯頭的味道中等，沒有太多驚喜。檸檬茶採用樽裝，有果肉，小甜，好喝但細支，大啖Ｄ就２啖無哂。