影片
更多
2020-10-15
1579 瀏覽
知道女朋友鍾意食蟹，一心Book檯嚟呢度食帝王蟹鐵板燒，當然有期待啦，結果係覺得不過不失，或者係嘴刁，有幾樣都覺得係失望囉！先講服務，侍應非常貼心，見我拎住一袋二袋，馬上提供籐籃畀我放袋，仲幫我放落櫈底，呢樣嘢我係覺得係加分嘅，通常啲餐廳就算有呢個服務，都係畀個籃你自己搞，而且每度菜送上嚟都非常有耐心同禮貌咁介紹，同埋不停巡檯睇睇客人要唔要添茶，提醒客人出入洗手間必須要戴口罩等等，但最窩心嘅係，知道宜家食飯都係手機食先，侍應非常醒目問我哋需唔需要同食物一齊影相，仲問需唔需要美顏或者開人像模式影有景深效果，真係抵讚嘅！講番食物，一開始會成隻帝王蟹攞出嚟畀客人睇睇，影完相，就話畀客人聽，會攞去劏好，分件出嚟，第一度前菜，海蝦芝麻醬豆腐，由於女朋友對蝦敏感，最後都係益咗我五臟廟，我就覺得呢味前菜一般，第一，隻蝦本身冇鮮味，似係冰鮮貨，個芝麻醬豆腐又唔太滑，啲芝麻醬就咁淋上豆腐度，我就覺得麻麻哋，跟住上蟹肉沙律，蟹肉係可以，沙律菜加咗啲醬汁都ok，整體不過不失啦，做到應有嘅水準嘅！跟住嚟個蟹上髀天婦羅，我認為天婦羅冇問題，但個醬汁出事，因為個蛋黃醬加咗忌廉同果肉打成，我認為太creamy同過甜
先講服務，侍應非常貼心，見我拎住一袋二袋，馬上提供籐籃畀我放袋，仲幫我放落櫈底，呢樣嘢我係覺得係加分嘅，通常啲餐廳就算有呢個服務，都係畀個籃你自己搞，而且每度菜送上嚟都非常有耐心同禮貌咁介紹，同埋不停巡檯睇睇客人要唔要添茶，提醒客人出入洗手間必須要戴口罩等等，但最窩心嘅係，知道宜家食飯都係手機食先，侍應非常醒目問我哋需唔需要同食物一齊影相，仲問需唔需要美顏或者開人像模式影有景深效果，真係抵讚嘅！
講番食物，一開始會成隻帝王蟹攞出嚟畀客人睇睇，影完相，就話畀客人聽，會攞去劏好，分件出嚟，第一度前菜，海蝦芝麻醬豆腐，由於女朋友對蝦敏感，最後都係益咗我五臟廟，我就覺得呢味前菜一般，第一，隻蝦本身冇鮮味，似係冰鮮貨，個芝麻醬豆腐又唔太滑，啲芝麻醬就咁淋上豆腐度，我就覺得麻麻哋，跟住上蟹肉沙律，蟹肉係可以，沙律菜加咗啲醬汁都ok，整體不過不失啦，做到應有嘅水準嘅！跟住嚟個蟹上髀天婦羅，我認為天婦羅冇問題，但個醬汁出事，因為個蛋黃醬加咗忌廉同果肉打成，我認為太creamy同過甜，搶咗個天婦羅嘅香味，我個人認為就咁食已經係上等佳餚，所以食第二啖已經冇再點個醬汁！
好啦，終於到戲肉，蟹腳出場，師傅喺鐵板燒好，分好兩碟奉上，真係好鮮味，我同女朋友都食到舔舔脷，好快三爬兩撥清哂！跟住到爐端燒蟹身同蟹鉗，唔知係咪掛住傾偈同埋冷氣大關係，個蟹身同蟹鉗食嗰陣已經凍咗啲，我覺得就有些少腥味，不過都唔理，全部鯨吞落肚，但覺得冇咁好食囉，同埋都係嗰句，嫌個味道淡咗啲同唔夠鮮味！第四味係季節料理，原來係露筍苗加醬汁，我哋兩個都嫌佢苦，食咗一舊就投降，之後師傅開始炒蟹膏炒飯，仲好貼心要唔要加蔥，女朋友要走蔥，我就要加蔥，所以師傅分兩次炒，飯香就係香，不過淡囉，我認為加多些少鹽會更好食，之後個蟹肉雞湯就唔好飲，似乎滾水烚蟹肉咁，冇嚟味道，最後好貼心問我哋食咩甜品，有柚子雪葩、海鹽雪糕、芝麻雪糕，女友揀咗海鹽雪糕，我就揀咗柚子雪葩，個雪葩好fresh，但食到最後又嫌佢太甜，好矛盾！
總體評價，服務非常好，隻蟹冇問題嘅，但食物質素勉勉強強啦，可能我哋要求高，或者係烹調方法未夠好，可以再進步，呢個價錢可以大把選擇，我同女友都認為，可一不可再，或者要過一段長時間再嚟幫襯睇吓有冇進步先再算！
39 瀏覽
0 讚好
0 留言
張貼
