影片
更多
2024-10-03
741 瀏覽
當金鶴仲响土瓜灣嘅時候，我已經想去食，但當想去嘅時候佢已經執左，而其他分店又比較遠費事去。如事者唔知到幾時，旺角又開左間分店，我都係近排先赫然發現。見咁近，去試試啦。《雞🐔白湯拉麵🍜》如果我冇記錯，早响而家一間响歌賦街嘅神店賣炸牛蒡配雞🐔白湯拉麵之前，呢間金鶴已經做緊。所以，炸牛蒡先至係最大特色。香味 (3.5/5) - 唔算十分香，可能因為本身雞白湯香味並唔強烈，所以就咁聞，香氣係欠奉。聞到主要係炸牛蒡陣炸油味。湯頭 (2.5/5) - 如果你認同，「雞白湯雞味一定要濃」呢句說話，咁你就會有所失望。呢碗湯嘅雞味本身係比較淡，我明白呢度有另一款更貴嘅選擇，叫《極濃。雞🐔白湯拉麵🍜》，但如果你話，要加40蚊叫碗極濃，個湯先有足夠雞味嘅話，我就覺得一開始就唔好做個普通版啦。老老實實，個湯其實係幾順滑嘅，甜度夠，鹹度偏低（啱我口味），只不過叫得雞白湯，我對雞味嘅存在感有一定預期，所以係有d失望。麵條 (3/5) - 目測係中細麵，直身，偏白，小麥味算有，掛呢款湯ok，不過不失啦。配料 (4/5) - 雖然香味，湯，同麵條都唔係高分，不過配料我認為有貨交。先講配料中嘅主角，雞叉燒。雞叉燒用嘅部
《雞🐔白湯拉麵🍜》
雞🐔白湯拉麵🍜
$78
0 瀏覽
0 讚好
0 留言
如果我冇記錯，早响而家一間响歌賦街嘅神店賣炸牛蒡配雞🐔白湯拉麵之前，呢間金鶴已經做緊。所以，炸牛蒡先至係最大特色。
香味 (3.5/5) - 唔算十分香，可能因為本身雞白湯香味並唔強烈，所以就咁聞，香氣係欠奉。聞到主要係炸牛蒡陣炸油味。
湯頭 (2.5/5) - 如果你認同，「雞白湯雞味一定要濃」呢句說話，咁你就會有所失望。呢碗湯嘅雞味本身係比較淡，我明白呢度有另一款更貴嘅選擇，叫《極濃。雞🐔白湯拉麵🍜》，但如果你話，要加40蚊叫碗極濃，個湯先有足夠雞味嘅話，我就覺得一開始就唔好做個普通版啦。老老實實，個湯其實係幾順滑嘅，甜度夠，鹹度偏低（啱我口味），只不過叫得雞白湯，我對雞味嘅存在感有一定預期，所以係有d失望。
麵條 (3/5) - 目測係中細麵，直身，偏白，小麥味算有，掛呢款湯ok，不過不失啦。
配料 (4/5) - 雖然香味，湯，同麵條都唔係高分，不過配料我認為有貨交。先講配料中嘅主角，雞叉燒。雞叉燒用嘅部份係雞胸，雖然我唔認為係慢煮，但味道同質感我覺得都係幾好，算幾好味。
除左雞叉燒之外，個炸牛蒡當然係第二主角啦。講真，香港人近乎係冇食牛蒡嘅習慣，你問我牛蒡係咩味我真係答你唔到。呢個炸牛蒡係我响零概念嘅情況食，點知一試，又幾好味喎！我覺得佢似咩呢，似爽口嘅M記炸薯條，味道係真係有幾分似。佢脆脆嘅口感，甜甜地嘅味道，的確係為整碗麵帶黎另一個層次。
豬叉燒方面，食落我覺得係用左豬里脊，因為比較柴，似食緊瘦嘅豬扒。肉味算普通，麻麻地。
溏心蛋🥚方面，只有半隻，味道係好不過熟得D，只有半隻食得唔過癮。荀方面就碎左d，麻麻地。
整體 - 不推薦。不過，如果你對雞白湯拉麵要求唔係高，而又經過，食返碗係冇問題。
題外話/補充資料：
呢間店服務算係差，我唔主動叫佢，佢都冇比水我（水唔係自助式）。另外，佢上碗麵時，錯誤地跟多左一隻（額外一碟）溏心蛋，我開初冇為意，佢5秒後過來攞走左碟蛋，話：“唔係你嘅”，而冇講對唔住之類嘅說話，呢吓真係要彈彈佢！我唔係想佔平宜，不過因為佢地錯誤上錯菜而要攞走我個盤上面嘅菜，一句對唔住或唔好意思係基本吧？Overall我都係比 OK，因為我始終都係覺得味道先係最重要。
(以上食評乃用戶個人意見 , 並不代表OpenRice之觀點。)
張貼
