大家樂 (彩明商場)

營業中

休息中

食厭咗 同系嘅一 粥麵 今次試下大家樂晚市外賣， 相比其他餐廳人流唔算多， 可能距離地鐵站遠一點或者就喺街市上面， 自己煮飯嘅人較多。選擇都算多， $100蚊三款小菜， 加$15仲有兩碗白飯，油菜和甜品： 芋頭紫米露坦白講自己買都唔都唔止呢個價錢。負責外賣嘅阿姐都好好禮貌，外賣都裝得 穩穩陣陣。 人唔多所以都唔使等好耐。🥙蒸水蛋： 面頭好似有福建炒飯嗰個芡汁， 蛋夠滑， 家常小菜嚟講味道唔錯。🥙 蘿蔔炆排骨： 吃到好濃烈嘅八角味道， 排骨就好柴，好似煲完湯嘅 豬骨， 反而紅蘿蔔白蘿蔔吸滿醬汁～🥙 煎馬蹄肉餅： 有三塊，再加兩件比較乾身嘅鹵水豆腐～ 味道普通啦唔可以話好惹味😌油菜， 非常健康一滴油都或蠔油都冇，啱我！白飯🍚🍚就比較散同乾， 同自己煲嘅甘香米飯係有啲距離嘅。。反而個甜品紫米露，又滑又香材料豐富！😋不是會員，用八達通結帳有九折！不過不失 的外賣小菜快餐。