影片
更多
2013-05-19
1637 瀏覽
原打算到赤柱霸爐,後因天氣不穩定,故按友人的建議去了富泰燒烤樂園.地點: 喺正富泰邨隔鄰,不過我地港島人揸車唔熟路,用GPS帶路都兜了幾個圈先搵到入口(在富泰邨側插晒佢地既旗,不過字太細未免易走漏眼.入場後我地自己揀位,初頭驚落下所以我地叫職員將爐放在有蓋的場內,後來覺得太熱,我地要求搬到戶外.職員都好幫手,拿拿臨幫我地拖個爐去戶外,起碼無咁焗.食物: 要去佢地counter拎,想食乜都要由職員夾俾你,唔可以自取. 款式一段,同其他燒烤場無異, 都係丸,扒,麵包, 無特色食物. 無論你叫乜唔同醃法的食物, 我覺得都係得一隻味, 係無乜大分別. 飲品包1枝水,1款飲品. 其中一款多春魚, 雪到冰咁硬, 燒熱了之後一放入口成陣雪味, 又鯹, 唯有即刻吐出,很難食. 我去過其他燒烤場都包牛油/ 蒜茸牛油,呢度唔包,要$2/杯,個杯仲細過燒爉鋪裝醬油的杯仔. 如果鍾意勁蒜/牛油的,建議自己帶牛油同蒜茸. 其他調味料得豉油供應, 你想要其他的就逐樣俾錢買,服務: 一般, 唔會好殷勸果隻. 環境: 算闊落,唔怕好逼. 廁所OK今次星期六去, 每位大人$100, 另加開爐費$30-
地點: 喺正富泰邨隔鄰,不過我地港島人揸車唔熟路,用GPS帶路都兜了幾個圈先搵到入口(在富泰邨側插晒佢地既旗,不過字太細未免易走漏眼.
入場後我地自己揀位,初頭驚落下所以我地叫職員將爐放在有蓋的場內,後來覺得太熱,我地要求搬到戶外.職員都好幫手,拿拿臨幫我地拖個爐去戶外,起碼無咁焗.
食物: 要去佢地counter拎,想食乜都要由職員夾俾你,唔可以自取. 款式一段,同其他燒烤場無異, 都係丸,扒,麵包, 無特色食物. 無論你叫乜唔同醃法的食物, 我覺得都係得一隻味, 係無乜大分別. 飲品包1枝水,1款飲品. 其中一款多春魚, 雪到冰咁硬, 燒熱了之後一放入口成陣雪味, 又鯹, 唯有即刻吐出,很難食. 我去過其他燒烤場都包牛油/ 蒜茸牛油,呢度唔包,要$2/杯,個杯仲細過燒爉鋪裝醬油的杯仔. 如果鍾意勁蒜/牛油的,建議自己帶牛油同蒜茸. 其他調味料得豉油供應, 你想要其他的就逐樣俾錢買,
服務: 一般, 唔會好殷勸果隻.
環境: 算闊落,唔怕好逼. 廁所OK
今次星期六去, 每位大人$100, 另加開爐費$30-
張貼