影片
更多
2011-07-19
果日送完東西俾朋友，個肚實在太餓，行左幾步見到呢間秀拉麵，個門面好似幾好咁，但實在太餓喇，諗都唔諗入去坐低叫野食先算！睇張menu好似幾多選擇咁，是但揀左個豬肩肉黑秀拉麵（其實我果時唔知黑秀同白秀有咩分別．．哈哈），後尾先知原來係醬油上既分別．．由於唔係繁忙時間，所以唔使等好耐都上到檯．，有理冇理即刻開筷整啖先！啖湯真係幾濃，幾有豬骨味，而且喉嚨間亦唔會太有油膩感，幾清純，同坊間某ｄ所謂麵店既湯底真係蚊脾同牛脾．．塊肩肉都幾令我驚喜（雖然唔知係咪餓得滯既幻像ｘｄ），質地幾軟腍，唔算痴牙．．惟一我唔太滿意係ｄ麵，我叫左中硬架喇，但都仲係比想像中腍好多，食落一pat pat冇乜質感，否則呢碗麵都算係優質架！價錢都算公道既，下次有機會再試下其他口味嚕～
諗都唔諗入去坐低叫野食先算！
睇張menu好似幾多選擇咁，是但揀左個豬肩肉黑秀拉麵（其實我果時唔知黑秀同白秀有咩分別．．哈哈），
後尾先知原來係醬油上既分別．．
由於唔係繁忙時間，所以唔使等好耐都上到檯．，有理冇理即刻開筷整啖先！
啖湯真係幾濃，幾有豬骨味，而且喉嚨間亦唔會太有油膩感，幾清純，同坊間某ｄ所謂麵店既湯底真係蚊脾同牛脾．．塊肩肉都幾令我驚喜
（雖然唔知係咪餓得滯既幻像ｘｄ），質地幾軟腍，唔算痴牙．．惟一我唔太滿意係ｄ麵，我叫左中硬架喇，但都仲係比想像中腍好多，
食落一pat pat冇乜質感，否則呢碗麵都算係優質架！
價錢都算公道既，下次有機會再試下其他口味嚕～
張貼