喜尚嘉喜宴會廳

營業中

休息中

去元朗飲茶，搵到呢間喜尚嘉喜，地點都算方便，係千色附近。酒樓地方都算寬敞，唔會背脊貼背脊咁坐。點心大都正正常常，唔會話好出色，又唔會話好難食，真係四個字可以形容——不過不失。蝦餃d蝦都大隻；蝦腸都係大大隻蝦，不過有d翠玉瓜係入面，口感都幾奇怪。鳳爪排骨飯望落去好大煲，但原來個煲好淺，分左出黎都係兩碗飯度。流心奶皇包真係好似溶岩漿咁漏出黎，算係幾驚喜。整體黎講，成餐茶都一般般，勝在服務態度幾好，加番少少分。