上海婆婆 (新都城中心) (已結業)

假期難得同屋企人食飯,阿爸阿媽都鍾意食中菜,所以我就揀上海菜,貪佢有點心又有餸,阿爸阿媽可以簡野食既時候有多d選擇,可以簡得開心啲,嚟到呢度嘅時候,好彩唔係好多人,雖然要排隊但係都只係排咗幾分鐘就到我哋,呢度環境較為擠迫,光線又有d暗,不過坐喺度食一陣飯就走的話都無所謂嘅,坐低冇耐阿爸阿媽就睇menu睇到入曬神,難得佢哋咁高興,睇耐啲都冇所謂啦,最後我哋揀咗兩個點心,一個飯,一個麵,兩個餸,落單後一陣,兩個點心就嚟到喇,生煎鍋貼嘅皮煎得好脆,又唔係好肥膩,冇食到成口都係油,素菜包最啱我,皮簿而且包內有好多菜,味道係單純嘅菜味無夾雜肉味,真係唔錯,黃金炒飯炒得好乾身,d飯粒粒分明又唔會炒得好硬,真係幾好食,雲吞拉麵五隻雲吞都好大粒,每粒都好好味,不過個湯就比較淡啲,紅燒豆腐炆得好林,仲有好多芡汁,但係就唔係好入味,所以唯有將個豆腐係咁撈d芡汁食,如果唔係豆腐真冇乜味,桂花蜜金沙骨有濃濃嘅桂花蜜味,金沙骨有好多肉,肉質嫩滑,唔難撕開啲肉,真係唔錯,整體嚟講,阿爸阿媽都滿意呢次晚餐,我亦都覺得呢度既上海菜可以一試!!