三河屋 (已結業)

喺紅磡探朋友，又未食嘢，諗住買外賣去佢屋企食。經開見到呢間睇落去歷史好悠久嘅日本小店，見到出面Menu價錢都尚算可以。我叫咗個滑蛋豬扒飯，$58，送埋麵豉湯。我喺餐廳入邊等，發覺真係經歷歲月，衛生情況一般，枱櫈都好似癡粒粒咁🙈仲見到有小強爬過😰所以我認為衛生情況有待改善。食物賣相都幾吸引，同埋份量都幾大兜，味道都算唔錯啦，正正常常。不過輕力搞一搞，發覺全部豬扒嘅皮同肉都會分開晒🙈總體而言，我個人就未必會堂食，因為衛生情況一般。如果外賣都可以考慮。