泰國人海南雞 (弼街) (已結業)

又到Lunch嘅時間..今日突然好想食雞飯..但一時3刻真係諗唔到邊度有好食嘅雞飯食...行下行下見到泰國人海南雞,好啦, 就食佢!佢有LUNCH SET的~有飯有粉~我話左要食雞飯的嘛, 咁當然係叫泰式海南雞配雞油香飯啦!泰式海南雞配雞油香飯 ($57)有碟雞啦~ 雞嘅份量都幾多~多到坐隔離唔識嗰個女人望到, 大叫左聲: 嘩! 個雞飯有半隻雞咁多!!其實當然冇半隻雞咁多啦, 但都過十舊雞嫁!都算幾多了!另外仲有碗雞油香飯, 有碗湯,仲跟杯餐飲~雞油香飯呢個...OK啦, 一般般啦, 唔係難食, 但都唔係好食囉,因為D飯濕, 我個人唔中意食濕嘅飯..香都唔係話好香咁囉~雞我呢碟最主要係雞胸來~有2舊係雞脾~全部都去晒骨了,啖啖肉!雞都幾滑, 就算雞胸都唔會鞋!但唔知點解, 平時熱愛雞脾嘅我,喺呢度, 我覺得雞胸好食D呀!同埋要讚下佢個醬, 泰式醬來?我唔知係咩來呀, 但點個雞食,係幾開胃幾好食的!墊底仲有兩大舊青瓜~爽口! 食到中途咬一啖, FRESH! 絕對可以解膩呀!有個湯~ 冇咩特別~有舊冬瓜, 飲下濕下口~埋單$57, 不過不失啦~心癮起想食雞飯, 都食得過嘅~