影片
更多
2022-08-31
534 瀏覽
又係中午放飯又想試新野，搵到呢間新開既燒味店而家店內格局唔錯，又有2層，就入去試下啦，其實睇返原來就係以前乳豬大王個位黎。入到坐底店員就指住牆上既午餐餐牌，除左燒味以外仲有其他中式飯的，但黎得就當然係想食燒味啦，要再問先有餐牌俾我地睇，燒味飯方面就唔算話好貴，燒鵝飯$5x，其他單拼飯4x，加飲品就貴d熱飲6蚊，凍飲8蚊，由於唔記得影餐牌所以靠記憶大約寫返幾樣野個價錢。望多兩望見到是日午餐有個燒鵝5寶飯$53，凍飲都係加2蚊，咁唔洗諗啦，同同事都一齊揀左心呢個黎食。先黎碗例湯，湯幾甜幾好飲，感覺味精唔會太重，唔錯。首先要講下個出餐有d慢，呢個飯我地應該都等左10分鐘，果陣店內客人唔多計埋我地先3枱客，仲要已經食緊，現成燒味又唔洗煮齋斬好好奇點解咁耐都未有，落單個阿返見我地仲未食都主動去幫我地吹下單先有個飯黎，唔知係咪漏左單啦。燒鵝5寶飯，先睇個賣相都唔錯，有燒鵝，叉燒，油雞，紅腸，分蹄，有別於其他燒味店唔用咸蛋，由於有5樣唔同既燒味都拆開以下黎講：燒鵝燒鵝分到既就係胸位比較厚肉同實，就唔熱既，少少凍皮都唔脆，皮下都有d脂肪鵝香味唔重，感覺唔太出色。叉燒叉燒有2件，肉質有筋位有d難咬，而且
入到坐底店員就指住牆上既午餐餐牌，除左燒味以外仲有其他中式飯的，但黎得就當然係想食燒味啦，要再問先有餐牌俾我地睇，燒味飯方面就唔算話好貴，燒鵝飯$5x，其他單拼飯4x，加飲品就貴d熱飲6蚊，凍飲8蚊，由於唔記得影餐牌所以靠記憶大約寫返幾樣野個價錢。
望多兩望見到是日午餐有個燒鵝5寶飯$53，凍飲都係加2蚊，咁唔洗諗啦，同同事都一齊揀左心呢個黎食。
先黎碗例湯，湯幾甜幾好飲，感覺味精唔會太重，唔錯。
首先要講下個出餐有d慢，呢個飯我地應該都等左10分鐘，果陣店內客人唔多計埋我地先3枱客，仲要已經食緊，現成燒味又唔洗煮齋斬好好奇點解咁耐都未有，落單個阿返見我地仲未食都主動去幫我地吹下單先有個飯黎，唔知係咪漏左單啦。
燒鵝5寶飯，先睇個賣相都唔錯，有燒鵝，叉燒，油雞，紅腸，分蹄，有別於其他燒味店唔用咸蛋，由於有5樣唔同既燒味都拆開以下黎講：
燒鵝五寶飯
$53
42 瀏覽
0 讚好
0 留言
燒鵝
燒鵝分到既就係胸位比較厚肉同實，就唔熱既，少少凍皮都唔脆，皮下都有d脂肪鵝香味唔重，感覺唔太出色。
叉燒
叉燒有2件，肉質有筋位有d難咬，而且我覺得燒既火喉唔多夠，色水都比較淡，一般般。
油雞
油雞都係2件都係胸位，厚肉d少少鞋口，不過雞胸係咁架啦所以都正常。
紅腸同分蹄
呢2樣都算正正常常無話特別出色同差，合格啦。
另外白飯我就覺得ok既，少少乾身加d燒味汁食岩岩好。
燒鵝五寶飯
$53
51 瀏覽
0 讚好
0 留言
整體黎講味道就一般啦，如果要講係大皇我覺得仲有一段距離，叫做正常又叫好坐既燒味店，呢個價錢食到咁多款野都ok既，但要是日午餐有先係，在場有位大叔店員講野就比較粗聲粗氣d，似係典型茶餐廳伙計，相比於現時講求服務既社會黎講可能好多人未必接受到，但鑑於佢都係我地無出聲既情況下有主動幫我地吹單又覺得佢人又唔差喎。
張貼
