影片
更多
2017-01-04
1182 瀏覽
呢排係深水埗搵食，今日中午就出發到添好運飲個茶。假日關係，出面有成二三十人等位，好彩等左半個鐘就到。以前食過奧海城分店，今日黎到本店，當然係更抱期望。黃沙豬潤腸，腸粉確係皮薄而且好滑，但略嫌太薄，一夾就斷，啲餡跌晒出黎。而豬潤就切到細細粒，唔算特別。燒賣，賣相麻麻，食落亦都好一般，咁既價錢，地鐵站或者街市內既連鎖店x記唔會被比下去。咸水角，不過不失，仲係幾脆幾香口。馬拉糕，呢樣實在有啲失望，好細舊，唔夠鬆軟，亦唔太熱。到招牌既酥皮叉燒包，招牌菜始終係招牌菜，的確好食。酥皮香脆，但又唔會過份油膩。入面叉燒餡足料，唯一係偏鹹少少。以呢個價錢，呢個等位時間，其實香港仲有好多可以選擇，食物質素又高既茶樓。當然，若果只為酥皮叉燒包而來，就梗係值得一試。
黃沙豬潤腸，腸粉確係皮薄而且好滑，但略嫌太薄，一夾就斷，啲餡跌晒出黎。而豬潤就切到細細粒，唔算特別。
燒賣，賣相麻麻，食落亦都好一般，咁既價錢，地鐵站或者街市內既連鎖店x記唔會被比下去。
咸水角，不過不失，仲係幾脆幾香口。
馬拉糕，呢樣實在有啲失望，好細舊，唔夠鬆軟，亦唔太熱。
到招牌既酥皮叉燒包，招牌菜始終係招牌菜，的確好食。酥皮香脆，但又唔會過份油膩。入面叉燒餡足料，唯一係偏鹹少少。
以呢個價錢，呢個等位時間，其實香港仲有好多可以選擇，食物質素又高既茶樓。當然，若果只為酥皮叉燒包而來，就梗係值得一試。
張貼
