影片
更多
2019-05-01
263 瀏覽
今次毛仔去試一間玩fusion玩到拎咗米芝蓮，由紅磡發跡，開到依家有十幾間分店嘅媽咪雞蛋仔。呢間雞蛋仔除咗有傳統嘅原味之外，仲有栗子、朱古力、抹茶、白芝麻同香蕉等等嘅大路口味。毛仔一向都係個比較傳統的人，食雞蛋仔始終偏好原味。但今次一場嚟到，就揀咗個最大路嘅粒粒朱古力雞蛋仔試試味。粒朱古力雞蛋仔（$25）雞蛋仔即叫即整，等咗10-15分鐘就有。拎上手微熱，唔算辣手。外形方面尚算完整飽滿，正常金黃色偏啡，而唔係全粒深啡色。食落夠鬆脆，唔會太硬而𠝹口。空心位佔一半左右，比例算均勻，都做到外脆內軟，略嫌餅底唔夠熱。雞蛋仔甜度適中，朱古力味唔算太濃但可接受，始終用嘅係朱古力粒，而唔係用朱古力溝蛋漿，所以做唔到全粒都係朱古力，更莫講要流心效果。蛋香味唔算好濃，但又未至於得麵粉味。賣相：7/10口感：7/10味道：6/10價錢：6/10［完~~~~~~］
粒朱古力雞蛋仔（$25）
雞蛋仔即叫即整，等咗10-15分鐘就有。拎上手微熱，唔算辣手。外形方面尚算完整飽滿，正常金黃色偏啡，而唔係全粒深啡色。食落夠鬆脆，唔會太硬而𠝹口。空心位佔一半左右，比例算均勻，都做到外脆內軟，略嫌餅底唔夠熱。雞蛋仔甜度適中，朱古力味唔算太濃但可接受，始終用嘅係朱古力粒，而唔係用朱古力溝蛋漿，所以做唔到全粒都係朱古力，更莫講要流心效果。蛋香味唔算好濃，但又未至於得麵粉味。
賣相：7/10
口感：7/10
味道：6/10
價錢：6/10
［完~~~~~~］
粒粒朱古力雞蛋仔
$25
11 瀏覽
0 讚好
0 留言
粒粒朱古力雞蛋仔
$25
21 瀏覽
1 讚好
0 留言
題外話/補充資料：
整體嚟講，經過旺角可以買嚟過吓口癮，但又未至於要專登搭車過嚟食。媽咪雞蛋仔定期會有季節限定嘅新口味，不過根據毛仔經驗，季節限定嘅口味好多時都伏味濃。今次講住咁多先，下次再同大家覓食😘
(以上食評乃用戶個人意見 , 並不代表OpenRice之觀點。)
張貼
