雅苑座

好耐冇同媽咪食過自助餐喇，今次揀帝苑係因為佢性價比高，長者有75折，用恆生信用卡可享八折，而且食物方面龍蝦任食，我最愛食龍蝦6:30到場入座時發現我哋個位要行幾級樓梯，由於環境燈光昏暗，加上我媽咪年紀大，怕佢要來回攞嘢食返嚟行樓梯辛苦，但佢老人家又鍾意自己出去揀嘢食，所以問酒店職員可否換位，可惜職員話座位已經安排好，未能更換座位，唯有怪自己book位時冇問清楚大家如果帶長者來的話，book位要講清楚唔要行梯級位不過都無礙到我哋食自助餐嘅心情，已經同媽咪溝通好，頭幾次同媽咪一齊出去攞嘢食，等媽咪知道有啲乜嘢食，之後佢想食我哋可以幫手拎第一時間攞左龍蝦，size唔算大隻，肉質有D韌，要𡁻多幾下至咬得開龍蝦拑已經預先拍碎左殼蒸魚都算唔錯，係沙巴龍躉，每次一出爐都光速比人攞哂，我都食左幾轉，水準平均，唔會蒸到over左鞋烚烚，肉質都滑嘅之後最值得介紹就係甜品我自己平時唔係好鍾意食甜野嘅，但見到D甜品款款都好精神，所以都食咗幾様杏仁豆腐好香杏仁味，配左好多鮮果拿破崙好好味，個酥皮好脆，吉士醬唔會整到啲酥皮濕晒，超至於其他食物水準一般，所以都冇影相喇環境方面由於樓底高，感覺唔會侷促，我地坐正噴水池