韓川

營業中

休息中

呢一間韓式串燒店食物味道OK，不過價錢都有返咁上下，唔算好抵食，勝在氣氛好。叫咗幾樣野食之中，最好味嘅就係白鱔串燒，燒得都幾乾身，白鱔皮直頭係脆口嘅，而且D魚油都勁香濃，其實燒白鱔真係好正架。跟住第二好食嘅就係呢一份邪惡的五花腩，一層肥一層瘦，其實都唔係真係好瘦，呢個堅正，用生菜包住食無咁大罪惡感啦。個燒牛肉粒嘅味道都OK，不過就好似燒到過咗龍少少，有D韌。呢個芝士牛肉都幾有趣，撈埋黎食口感同味道都算係唔錯。作為一家串燒店，佢D串燒係OK嘅。貪得意叫咗份炸薯餅，原來係細粒的三角形薯餅而唔係老麥嗰種，不過都係炸薯餅啫。