新麻蒲 BBQ (形點) (已結業)

好耐無食韓燒 任食果d質素又麻麻 想食靚d既肉一定係食番跟餐牌叫既 呢間新麻蒲未食過就試下啦 見d食評有讚有彈都唔大期望 食物質素就還好啦 叫左個好多人推薦既護心肉 係幾好食 幾滑 5花腩正常 但偏肥 最得意係餐牌個韓牛西冷 幅圖同真係黎果件明明係肉眼 但就寫西冷 唔好呃我唔識喎 不過都小問題 肉眼都好食 配菜任添 食物就正常 跟著就最多人彈既服務 服務水準就普通啦 全部女待應 換網都勤力 換左大約4次網都係主動埋黎 係有次我岩岩擺件野落去燒就走黎話換網搞到件野燒得唔靚 時機夾得唔好 整體叫普通 未去到話好差既