香港達人 (新翠商場) (已結業)

黑椒汁牛仔柳 $46個汁都幾辣，牛肉都棯既⋯不過不失，份量男士略嫌少。 但價錢算平。焗鮮茄菠蘿豬扒意粉 $42反而意粉份量比碟飯多，醬汁適量，豬扒有醃過唔會淡茂茂，有少少芝士襯托個茄味，意粉都乾身，整體可以👍🏻奶茶唔澀，不過味道略淡。環境就不過不失，窗邊有烏蠅屍體，有隻蚊蟲徘徊。我地行入去角落卡位坐，叫待應落單時，佢口up up俾說話我地聽「封咗都入嚟」仲講咗幾次（但我地行入去無職員出聲，仲幫我地執走枱上上一手食客杯碟，同埋佢地無封卡位，所以我地見有卡位就行入去。 同我地落完單就連卡位都封埋。