泰閣

營業中

休息中

去到樂富廣場見到間泰國餐廳新開嘅，咁咪入去試吓囉，坐低睇到餐牌價錢唔貴都好合理，今日試吓叫海南雞飯、炒河粉丶冬陰功粉、又叫咗泰式奶茶，加少少錢又可以玩件椰汁大菜糕，都OK啦！首先講海南雞飯，個飯係冇問題，不過雞真係暗咗少少唔夠滑即係唔似海南雞囉！咁個炒粉就唔知點解用啲四方形嘅河粉嚟炒，粉嘅份量唔係好多所以唔夠飽，味道OK辣咗啲囉！有個冬陰功粉我覺得係最唔錯，酸辣到啱啱好，金邊粉又唔會泰林，咁就OK啦！個杯泰式奶茶有幾好飲嘅，咁成餐飯仲有少少閃失，100分來講都有75分嘅，都係要加油呀！