Beerliner German Bar & Restaurant (屯門市廣場1期) (已結業)

聖誕節約埋朋友出黎食飯，呢間主打德國菜既餐廳又未試過就黎呢度試下，店面都算大，幾多位。講返食物先，先黎個前菜拼盤同德式香腸拼盤香腸拼盤入面有幾款唔同口味既腸，口味算比較重，用黎送啤酒1流，有d款比較咸，香腸底下都跟左d酸椰菜用黎解膩。前菜拼盤比較有特色，有小漢堡，豬肉卷，煙3文魚多士多款小食，漢堡入面夾住左片青蘋果，幾清新，豬肉卷口感似咸牛肉但無咁咸，其他洋蔥圈同雞翼都正常野。再黎兩道主菜就略為失色，叫左個松木板炸3文魚同紅酒汁慢煮豬手。先講3文魚，做法係有特色既，成塊3文魚連木板一齊烤，想話食到松木既香味，但成個成品係唔覺有味，3文魚焗到入面仲有少少生，約5成熟，唔會好乾，但無乜味。輪到最期待既紅酒汁慢煮豬手，點知希望越大失望越大，成個豬手係好似煲湯肉咁，無味而且超腍，紅酒汁都好淡味，我本身係好鍾意食豬手既人，但真的食唔落去了，但都無浪費食物，俾朋友清晒埋尾叫多個甜品，維也納蘋果卷配雪糕，味道酸酸甜甜解下頭先食咁多肉既膩都唔錯，係個皮焗得唔夠脆，脆d會好食d。整體黎講不過不失啦，唔叫好好又唔叫太差，3個人食埋單12xx，貴唔貴見人見智。