早安越南 (已結業)

♥︎♥︎3月14日白色情人節快樂♥︎♥︎ 難得搵到個好機會試下新嘢，不過第日仲要返工所以近近地係紅磡黃埔覓食。 比我地發現咗一間叫「早安越南」嘅越菜。我地就叫咗個小食拼盤同埋豬肉炒河粉試下先～小食拼盤比想像中大份，每樣都係有三件：扎肉﹑蒸粉包﹑兩款春卷﹑香茅雞翼﹑炸蝦餅。其實我地食完小食拼盤已經半飽狀態哈哈！都算抵食！味道嘗算可以，係雞翼有啲乾身 豬肉炒河粉唔算多油，配料同豬肉都好多，味道不過不失，對得住價格啦～整體都好大碟，而且價格公道，不過特色欠奉，希望可以推出多啲新款菜式啦！