Full Moon 滿月

營業中

休息中

早2日朋友send咗個曲奇畀我睇，呢間“滿月”之前好食嘅因為在屋企附近所以間中買下，被我遺忘了2個月😅😅朋友講開又過去睇下，呢個曲奇標榜用金桶牛油，新嘢去買嚟試下，袋裝係咖啡味盒裝係原味，盒裝係最抵45蚊，3：15pm去到原味盒裝係最後一盒😆😆回家即刻各試咗1粒😋😋2隻味道聞落去都好香，手工曲奇計同出面好多小店一樣甜度都係減咗d糖嘅，原味唧花型算靚仔，2隻都好鬆化，要用太極手拎😆😆咖啡味就淡淡嘅咖啡香唔算濃，食落口冇乜㗎啡味，98元/包有半磅，有15塊。原味食落去有啲奶油口感，見佢寫細包係6蚊一塊/15蚊三塊，盒裝45蚊有12塊。整體都算好食，價錢都唔算貴。。。食完牛油都唔會漿糊住個口，我覺得口感勝於味道。蛋捲我就覺得差咗，個奶凍嘅奶味淡咗，而芋泥因為用嘅芋頭關係，我自己食開台灣直送嘅有比較覺得芋頭味唔香滑，表層嘅蛋捲就好鬆蛋，所以成個蛋捲最好食係外皮不是內涵，另外奶凍送一隻木匙羹好唔環保，應該問一句要唔要匙羹，蛋捲裏面亦都附送一隻塑叉，其實都過於浪費，一件一個膠盒。