影片
更多
2014-03-15
5243 瀏覽
此餐廳坐落於厚福街街尾既H8銀座式商場，全棟樓基本上九成以上都係食肆，競爭十分激烈。淨係呢度已經有好幾間放題餐廳，如果食物質素唔得既話一定好難做落去！Anyway，星期五黃金時段收$208一位既價位倘可接受。本來加$20可以無限任食埋生蠔添，不過從來好少喺唔熟悉既餐廳食呢D高危食物既我一口拒絕。雖然真係好抵，但係現場所見好多人食完第一round之後都冇再refill！食物種類唔算太多，除左指定動作好似壽司、炸物、刺身等等之外，重有平時俾較少見既好似蕃茄餃子同埋燒菠蘿咁！蕃茄餃子非常特別，喺煎餃上面淋上一層薄薄既芝士layer，而鍋底亦都有一層蕃茄醬，酸酸地又帶少少甜既感覺非常特別！燒菠蘿非常之juicy，用火將菠蘿既表面燒一燒之後令佢非常香脆，而入口既時候亦都因為咁而可以鎖住裏面既菠蘿汁，口感非常之正！刺身方面坦白講非常一般，大路野好似三文魚、甜蝦、蟹棒、八爪魚等全部都有，但再比較貴D既貨式就冇喇！口感方面都算新鮮，只可惜食材既質素真係非常一般，勉強只可以叫做比上不足、比下有餘，亦可能因為咁好多人都係叫左第一round就再冇encore！天婦羅算叫做交到功課，炸粉唔算太厚身，亦都唔會好
食物種類唔算太多，除左指定動作好似壽司、炸物、刺身等等之外，重有平時俾較少見既好似蕃茄餃子同埋燒菠蘿咁！
蕃茄餃子非常特別，喺煎餃上面淋上一層薄薄既芝士layer，而鍋底亦都有一層蕃茄醬，酸酸地又帶少少甜既感覺非常特別！
燒菠蘿非常之juicy，用火將菠蘿既表面燒一燒之後令佢非常香脆，而入口既時候亦都因為咁而可以鎖住裏面既菠蘿汁，口感非常之正！
刺身方面坦白講非常一般，大路野好似三文魚、甜蝦、蟹棒、八爪魚等全部都有，但再比較貴D既貨式就冇喇！口感方面都算新鮮，只可惜食材既質素真係非常一般，勉強只可以叫做比上不足、比下有餘，亦可能因為咁好多人都係叫左第一round就再冇encore！
天婦羅算叫做交到功課，炸粉唔算太厚身，亦都唔會好似漿糊咁痴實晒喺蝦同埋南瓜既表面。而提供既醬汁鹹鹹地之餘亦有少少甜味，可以話係一個好好既點綴。
炸物絕對呢度必試既encore之選。特別推介係下面既雞腎同埋燒雞翼。串燒燒得非常入味，上枱既時候重有少少煙出添！味道啱啱好，帶少少鹽味之餘又唔會鹹到乜咁。燒雞翼燒得十分夠火喉，雞皮脆脆地之餘又能夠鎖住雞肉既鮮味，正！
一口和牛亦係另一個必點之選。Again，好juicy！一口咬落去食到啖啖既牛肉味，再撈埋黑椒汁同埋蒜片既味道，令到整體既感覺非常之「出」，十分特別。老實講佢既肉質絕對稱唔上「和牛」既質素，但都唔算太韌，唔係太難入口，以咁既質素做到咁既效果絕對喜出望外。
Overall呢度既放題只可以叫做中規中矩。食物種類既選擇唔算太多之餘，味道亦只可以叫做「可接受」。面對附近咁多競爭者既情況，真係諗唔到原因要再去返叮！
張貼
