天悅海鮮酒家 (已結業)

已經係第4次黎，次次都係食任食火鍋，員工服務ok,唔算特別好殷勤，不過叫到都總算會有回應，入到去都有帶位有問要咩湯底。食物種類都多，基本的都有，我每次都主要係食蝦，雲吞，餃子，（要早到，好快冇哂，雲吞同餃子特別一讚，好食）其次肥牛，蟹子丸，芝士丸，蔬菜類都洗得算乾淨，食物整體都滿意。罐裝飲品(非酒精)都自取任飲，時間限食2小時15分，夠鐘都只會叫你埋左單先，之後可以再慢慢坐，唔會催你走，如此價錢我覺得都得上平靚正。