影片
更多
2014-09-24
5821 瀏覽
原先想去espuma，可是擾攘了近半個鐘都仲未有位(話說門口嘅哥哥聲稱要等個半鐘)於是朋友V就提議到Our Wonderland，結果嘛，都係要等，8點半呢啲時間，要等大概是常識吧! 還好，也只是15至20分鐘，我們仨被安排坐在最角落最唔通風靠窗的位置，無關係，三個女人一個墟，我都怕嘈住其他人!有選擇困難症嘅我o地，好快就揀咗個2人set，再加咗個黑松露意大利雜菇雲吞跟餐嘅南瓜湯稍為淡咗少少，而果幾塊麵包仔，我個人就覺得幾好食，碟醋就杰左啲咁啦（有啲似係蠔油咁）侍應姐姐好好，見我o地share1個2人set，都主動問「要唔要多隻碗分湯飲」（其實真係好common sense，不過又真係唔係每個人都會咁樣問）之後上嘅小食併盤，有3款，每款2件，個tempura都幾好味嘅，至少唔粉，炸雞膇就正正常常，至於炸芝士，就麻麻啦!（仲以為會係流心㗎添! 有點失望..）黑松露意大利雜菇雲吞（$72），有冇黑松露都已經係其次，反正以價錢來說，大家都唔會預計有幾多/幾正嘅黑松露，最重要係，個雲吞皮真係太厚，感覺好似食緊上海水餃咁…我對忌廉汁海鮮risotto就無乜意見，只係朋友啲米有啲生，呢個都係個人口
於是朋友V就提議到Our Wonderland，結果嘛，都係要等，8點半呢啲時間，要等大概是常識吧!
還好，也只是15至20分鐘，我們仨被安排坐在最角落最唔通風靠窗的位置，無關係，三個女人一個墟，我都怕嘈住其他人!
有選擇困難症嘅我o地，好快就揀咗個2人set，再加咗個黑松露意大利雜菇雲吞
跟餐嘅南瓜湯稍為淡咗少少，而果幾塊麵包仔，我個人就覺得幾好食，碟醋就杰左啲咁啦（有啲似係蠔油咁）侍應姐姐好好，見我o地share1個2人set，都主動問「要唔要多隻碗分湯飲」（其實真係好common sense，不過又真係唔係每個人都會咁樣問）
之後上嘅小食併盤，有3款，每款2件，個tempura都幾好味嘅，至少唔粉，炸雞膇就正正常常，至於炸芝士，就麻麻啦!（仲以為會係流心㗎添! 有點失望..）
黑松露意大利雜菇雲吞（$72），有冇黑松露都已經係其次，反正以價錢來說，大家都唔會預計有幾多/幾正嘅黑松露，最重要係，個雲吞皮真係太厚，感覺好似食緊上海水餃咁…
我對忌廉汁海鮮risotto就無乜意見，只係朋友啲米有啲生，呢個都係個人口味啦，我知道傳統意大利飯，飯粒應該會比較有咬口，外層煙韌，飯粒中間應該係半生熟嘅! Anyway，呢個飯so far so good啦!
最後都係水牛芝士pizza，可能侍應姐姐見我地枱面啲嘢未食晒掛，我地一度以為佢唔記得左上pizza，所以都忍唔住要催下，結果侍應姐姐話「好呀，我上埋畀你地」幾驚已經攤凍晒呀!（又點會咁呢!哈哈哈哈）pizza上枱嘅時候熱到差啲熨親手，又脆又香又好食!
跟餐+10就有其他飲品，凍熱都係一樣價，都幾均真，不過我點嘅hazelnut coffee 就無乜特別，不提也罷，反而我想講吓當晚有個special offer，第二杯juice有半價，值得一試!
*我都知無圖好無說服力，但我真係upload唔到相，有機會就再upload吧
張貼