影片
更多
2021-02-27
2619 瀏覽
最近各大五星級酒店都陸續開設pastry pop-up，位於尖沙咀嘅Ritz-Carlton都唔例外😍當日情人節咁啱去開見到，有各款牛角包、英式鬆餅、Cro-dough (牛角包x冬甩)、蛋糕等等選擇，即刻大手入貨！不過發現原來情人節係pop-up最後一日，但係仍然可以上網先預訂，再到Ritz-Carlton內嘅cafe 103攞😆~麵包即日新鮮製造，由擔任左約九年嘅主麵包師傅Alan Or 負責，佢曾經係多間大酒店擔任烘焙麵包嘅崗位㗎，來頭都唔細💖。.當時冇做足資料蒐集就買咗，發現原來佢哋有個特別嘅麵包叫做laminated baguette，糅合左牛角包同埋法式麵包，切開baguette會見到好多層次，可惜當時冇買到🥲，如果大家想買可以試吓。.✷𝑀𝑒𝓃𝓊✷☞ Cro-Dough (milk tea) $38 (3/5)雖然冇買laminated baguette，但都買咗呢款牛角包同冬甩嘅混合版，表面會有層朱古力glaze，切開會見到一層層牛角包嘅層次，中間再夾雜着少少奶茶吉士。其實呢個新款麵包最近都越嚟越多地方推出，但真係第一次食😆。自己覺得比起普通牛角包相對實，冇咁酥化。另外內
.
當時冇做足資料蒐集就買咗，發現原來佢哋有個特別嘅麵包叫做laminated baguette，糅合左牛角包同埋法式麵包，切開baguette會見到好多層次，可惜當時冇買到🥲，如果大家想買可以試吓。
22 瀏覽
0 讚好
0 留言
.
✷𝑀𝑒𝓃𝓊✷
☞ Cro-Dough (milk tea) $38 (3/5)
雖然冇買laminated baguette，但都買咗呢款牛角包同冬甩嘅混合版，表面會有層朱古力glaze，切開會見到一層層牛角包嘅層次，中間再夾雜着少少奶茶吉士。
其實呢個新款麵包最近都越嚟越多地方推出，但真係第一次食😆。
自己覺得比起普通牛角包相對實，冇咁酥化。
另外內裏嘅奶茶吉士味都唔夠突出，亦有啲少，冇想像中咁出色。
另外見佢仲有caramel, vanilla, plain選擇，唔知會唔會好啲呢🙈。
Cro-Dough (milk tea)
$38
104 瀏覽
0 讚好
0 留言
.
☞ Croissant $28
♥ Pumpkin (4.4/5)
Pumpkin croissant
$28
75 瀏覽
0 讚好
0 留言
♥ Almond (3.5/5)
Almond croissant
$28
71 瀏覽
0 讚好
0 留言
♥ Chocolate (4/5)
Chocolate croissant
$28
92 瀏覽
0 讚好
0 留言
成日都覺得牛角包🥐係最能測試到麵包師傅嘅功力。
每一層酥皮都非常薄，一咬開內裏嘅蜂巢幾靚，口感唔錯，唯獨係覺得牛油味可以再重手啲(可能自己偏向鍾意邪惡款式)。
挑選左三款口味，當中南瓜真係非常有驚喜🥰極多嘅南瓜吉士醬，但冇整腍到個牛角包，而且南瓜味非常突出，好真實，好香甜，大推💖💖💖！
杏仁就因人而異，係有好重杏仁霜嘅杏仁味🥶我自己極之討厭，但係朋友鍾意就覺得唔錯。
朱古力就算係經典款式🍫都係內裏包住左條朱古力，正正常常。
.
☞ Scone $38
♥ Plain (4.2/5)
♥ Raisin (4.2/5)
質素幾好，係好正宗嘅英式鬆餅☺️。
又大又靚嘅外型，裂痕位做得好好，容易分開，搽上提供嘅clotted cream & blueberry jam。
口感紮實少少但唔太黏口，焗返熱後表面微脆，仲富有奶香。
不過就唔係好重牛油味極度酥化嗰種，視乎個人喜好。
Scone
$38
26 瀏覽
0 讚好
0 留言
.
☞ Cakes $58
♥ Green Tea Raspberry (4.1/5)
一向對於酒店嘅抹茶產品都唔係有太大期望🙈因為通常偏外國口味，會甜同假啲。
不過呢款算唔錯👌🏻抹茶味有少少甘，當然就唔及日本嗰種，但以法式甜品角度黎睇都算合格。
表面係慕絲口感，內裏有輕盈嘅蛋糕，再加上酸酸地嘅紅莓醬，成個口感味道平衡得都唔錯。
Green Tea Raspberry
$58
21 瀏覽
0 讚好
0 留言
Green Tea Raspberry
$58
22 瀏覽
0 讚好
0 留言
.
♥ Praline Chocolate (4.2/5)
呢個就係金沙口味😂，對我呢啲榛子朱古力控嚟講，好難會唔好食。
有香濃嘅朱古力榛子味，再配上底下嘅脆脆、牛油餅乾，朱古力愛好者一定會愛上！
Praline Chocolate
$58
23 瀏覽
0 讚好
0 留言
——————————————————
✨整體味道: 4/5
✨環境裝修: NA
✨服務態度: 3.7/5
✨性價比: 3.8/5
✨再訪興趣: 3/5
.
💞整體來講
一次過試咗佢多種唔同嘅pastry、蛋糕，自己覺得不過不失，守護到五星級大酒店嘅美譽，但未至於好大驚喜。價錢話平唔平，話貴又未至於最貴嘅，鍾意麵包嘅尚可一試，最推薦係南瓜牛角包，呢款就真係比較少見而且好出色🥰另外有興趣嘅朋友都可以試吓佢哋新研發嘅laminated baguette。
不過服務方面，當日嗰個員工好似比較新手，所以等咗好耐先齊啲包，而且出單有啲錯漏，而五星級酒店來講有少少失望🙈。
張貼
