影片
更多
2009-05-04
4 瀏覽
因為ＤＢＳ信用卡有七五折優惠，所以一家人嚟試吓。都係主攻魚生同生蠔，嚟呢度既其中一個原因係呢度有個所謂既oyster bar，好似好吸引咁我哋係五一假期前一晚嚟食既，好多人。個攞嘢食既地方其實好細（有去過既朋友應該知我講咩），條通道其實都算窄。所以到七點人流最多既時候，真係要眼明手快先可以＂攝＂到位。最多人既地方一定係魚生、壽司同生蠔。先講魚生，有三文魚，吞拿魚（唔太識欣賞，無咩味），八爪魚，仲有一到兩款我忘記佐個魚名既魚生，三文魚同其中一款魚都算新鮮（可能多人攞），壽司啲飯都有啲硬，可能雪咗一排。不過啲人都幾狼，話之你個盤只係淨低十片三文魚同埋後面仲有人排梗，一樣一次過清晒。當中不乏ＯＬ打扮既，都算大開眼界。至於生蠔仲大鑊，因為只巿一個人喺度開，有啲好貪心既同胞係咁狂掃，個開生蠔既哥哥仔開到手到震埋都供不應求，超可憐！佢哋有兩款生蠔，一款係法國既，一款係澳洲既；分別係法國既比較有海水味所以鹹啲，澳洲既比較甜；我就比較鍾意澳洲既。至於其它，都係一般啲大路嘢，例如熱葷同既淥粉麵區。甜品方面，都好多人去圍住有朱古力點棉花糖同生菓既＂檔口＂，另外佢哋有豆腐花（普通同芝麻味都有）。雪糕方面可以
都係主攻魚生同生蠔，嚟呢度既其中一個原因係呢度有個所謂既oyster bar，好似好吸引咁
我哋係五一假期前一晚嚟食既，好多人。個攞嘢食既地方其實好細（有去過既朋友應該知我講咩），條通道其實都算窄。所以到七點人流最多既時候，真係要眼明手快先可以＂攝＂到位。最多人既地方一定係魚生、壽司同生蠔。
先講魚生，有三文魚，吞拿魚（唔太識欣賞，無咩味），八爪魚，仲有一到兩款我忘記佐個魚名既魚生，三文魚同其中一款魚都算新鮮（可能多人攞），壽司啲飯都有啲硬，可能雪咗一排。不過啲人都幾狼，話之你個盤只係淨低十片三文魚同埋後面仲有人排梗，一樣一次過清晒。當中不乏ＯＬ打扮既，都算大開眼界。
至於生蠔仲大鑊，因為只巿一個人喺度開，有啲好貪心既同胞係咁狂掃，個開生蠔既哥哥仔開到手到震埋都供不應求，超可憐！佢哋有兩款生蠔，一款係法國既，一款係澳洲既；分別係法國既比較有海水味所以鹹啲，澳洲既比較甜；我就比較鍾意澳洲既。
至於其它，都係一般啲大路嘢，例如熱葷同既淥粉麵區。甜品方面，都好多人去圍住有朱古力點棉花糖同生菓既＂檔口＂，另外佢哋有豆腐花（普通同芝麻味都有）。雪糕方面可以自己選味道再加其它如果仁之類既嘢，或者乾脆攞杯裝Ｈａａｇｅｎ Ｄａｎｚ。
佢哋個ｄｉｎｎｅｒ ｂｕｆｆｅｔ包一杯餐茶同菓汁，都算係咁啦。
不過裝修方面你會覺得都好普通，其實唔難睇到好多地方已經剝落同都幾殘。不過佢哋實質係四星酒店（當然佢哋成日話自己係五星啦，但睇個大當就知咩料喇），所以都唔好要求咁多囉。仲有佢哋ｓｅｔ啲枱都幾密吓，枱同枱之間既距離好窄。
我唔記得原價係幾多，但折咗係ＨＫ＄３０２一個人。如果早啲訂，靠海既窗口位都唔錯既。
不過香港實在有太多食自助餐既選擇喇，所以短期內都唔會返轉頭再試，因為我都諗唔到一樣令我超欣賞既食物。最後，我唔知閒日會唔會少啲人，原果係既話，真係唔駛喺週末或假期前夕同人迫囉，好似搶食咁。
張貼