失眠冰室 (已結業)

尋日小弟我生日，咁一行朋友去左咩基利，去到樓下睇牌．．都幾多間下．．咁一行窮人梗係格下價啦，見到一間失眠冰室價格較低，所以上去睇下啦，一入到門第１個感覺都幾黑．．（如果同女朋友去既話都幾好ｆｅｅｌ，衰在此行一條女都冇呢。）我地一行６人坐左係最入面窗口位因為果到算係最光嫁啦．．我就叫左個失眠枕頭（略甜左ｄ．．）朋友啲薯角唔錯。雞翼就較為淡左ｄ。其他我就唔知啦．．．因為冇全部試暈，因為我覺得間間ｃａｆｅ啲野食都咁上下嫁啦．．我就飲杯士多啤梨蘋果咩茶．．本身諗住係淨係呢兩隻味既．．點知係真果肉黎．．出乎意料．．<br />間野衰在玩果ｄ野就有小小舊囉．．同埋ｄ侍應有ｄ呆滯囉。<br />我地都玩到７點幾先走．．好彩佢\都唔係太多客．．如果唔係應該玩唔到咁耐．．因為我地都坐左有４～５個鐘到。