影片
更多
2007-12-03
5 瀏覽
男朋友帶我黎呢度食飯慶祝生日, 入到去見到間餐廳氣氛唔錯, 不過我地坐既位置就唔係咁好啦, 係路邊既餐, 如果可以再坐入d會好d, 入面d既環境仲好~我地order左個2人套餐, 套餐包括白酒煮蜆, 煙三文魚沙律, 龍蝦湯, 黑醋汁煎鵝肝, 青檸雪芭,龍蝦天使麵, 銀鱈魚扒, 甜品係朱古力心太軟蛋糕同法式焦糖布丁另外仲有餐飲白酒煮蜆: 覺得呢個菜無咩特別, 唔係話特別好食, 但係都ok既, 如果轉藍貝應該會好食d沙律: 三文魚ok, 幾新鮮, 個汁好好味, 酸酸甜甜, 好開胃湯: 我個人認為就鹹左d, 而d龍蝦肉就無味既, 個湯都幾一般, 但係d麵包就好好味, 外脆內軟, 攪到我食唔停口, 如果唔係男朋友制止我, 我一定淨係食包就飽啦XD鵝肝: 鵝肝煎得幾香口, 入口都有外脆內軟既口感, 個汁同鵝肝好夾, 而且仲可以減少左鵝肝既肥膩感, 我覺得再多返少少汁會好d, 整體都唔錯, 但係唯一有少少問題既就係鵝肝有根青檸雪芭: 佢黎得好0岩時候, 我已經有d飽飽滯滯, 食完佢就好d, 唔係就一定食唔落之後既野銀鱈魚扒: 呢個ok呀, 幾好食, 雖然有少少腥, 但佩埋個汁就無咁覺, 其實可以揀
我地order左個2人套餐, 套餐包括白酒煮蜆, 煙三文魚沙律, 龍蝦湯, 黑醋汁煎鵝肝, 青檸雪芭,龍蝦天使麵, 銀鱈魚扒, 甜品係朱古力心太軟蛋糕同法式焦糖布丁另外仲有餐飲
白酒煮蜆: 覺得呢個菜無咩特別, 唔係話特別好食, 但係都ok既, 如果轉藍貝應該會好食d
沙律: 三文魚ok, 幾新鮮, 個汁好好味, 酸酸甜甜, 好開胃
湯: 我個人認為就鹹左d, 而d龍蝦肉就無味既, 個湯都幾一般, 但係d麵包就好好味, 外脆內軟, 攪到我食唔停口, 如果唔係男朋友制止我, 我一定淨係食包就飽啦XD
鵝肝: 鵝肝煎得幾香口, 入口都有外脆內軟既口感, 個汁同鵝肝好夾, 而且仲可以減少左鵝肝既肥膩感, 我覺得再多返少少汁會好d, 整體都唔錯, 但係唯一有少少問題既就係鵝肝有根
青檸雪芭: 佢黎得好0岩時候, 我已經有d飽飽滯滯, 食完佢就好d, 唔係就一定食唔落之後既野
銀鱈魚扒: 呢個ok呀, 幾好食, 雖然有少少腥, 但佩埋個汁就無咁覺, 其實可以揀三文魚既, 不過我唔太鐘意食熟既三文魚同埋怕腥所以唔叫
龍蝦天使麵: 呢個唔係咁好食, d龍蝦肉好明顯就唔係新鮮既, 鞋烚烚, 個天使麵都一般, 可以因為佢呢度同龍蝦有關既野都唔太好食
古力心太軟蛋糕同法式焦糖布丁: 兩樣都無點食到, 因為男朋友預先拎左我鐘意食既mud cake去, 而且已經好飽, 不過我同男朋友都覺得甜品一般, 唔係特別好食
食完麵之後, 男朋友想扮去廁所叫人拎蛋糕出黎既, 點知呢度既人好細心, 拎蛋糕出黎既時間好夾, 所以男朋友起身無耐就返埋位了, 我仲唔知咩事XD
因為我地無帶相機, 電話又影極都唔清, waitress(好似叫小丸)仲好好人咁拎佢部電話幫我地影, 影完一張又一張, 之後sd返d相俾我地=]
而個男經理既態度都好好, 對我地提出既疑問都一一細心解答, 之後佢仲free左我地個蛋糕既$$, 因為呢度拎蛋糕黎係要額外收錢, 好似係$100左右
不過男朋友話下晝拎蛋糕黎既時候就受到個waiter既不禮貌對待, 男朋友仲話好有俾人睇唔起既感覺, 但好彩夜晚食飯就完全無咁既感覺, 仲好開心添~
張貼