碧翠咖啡閣 (已結業)

是日男朋友生日，決定試呢間酒店o既buffet。食物款式唔多，熟食更係不足而且款式普通，吸引唔到我o既興趣，例如豬扒、雞柳、四季豆、炒蛋等等...叫人落唔到手。最後夾o左舊鴨胸，靱到媽都唔認得!!!冷盤搭夠，要有o既基本上都有，生蠔、螺、法國龍蝦仔、鴨胸、刺身等等...舊蜜汁鴨胸就幾好食,其他冷盤都幾好，但係吞拿魚刺身好多筋，仲有八爪魚都係靱o左d，有d失望。不過佢o既甜品就幾好，好多款，又有haagen-dazs，但係我一向覺得haagen-dazs雪糕太甜，所以只食o左一球，但有好多配料俾你自己淋上去~幾好~甜品偏向日式多，喜歡o既有清酒燴梨、日式飯布甸、栗子飯布甸。可惜冇朱古力噴泉...唯有夾完生果自己淋雪糕果d醬上去...總體o黎講，甜品補番熟食失o既分，算係不過不失啦...