鍾菜 (已搬遷) 新店位置

上星期五晚book左七點半四個人食飯,第一次去都冇咩idea叫咩野食,見到其他食評話好多人叫石榴燒雞,咁我都想叫黎食下,本身好鍾意食雞,特別係燒雞,點知...未夠八點已經賣晒...我地叫左...焦糖皮蛋- 只不過係皮蛋上面有少少焦糖,無咩特別;香檳西檸雞- 一d香檳味都feel唔到,只不過係普通西檸雞,但比普通餐廳酒樓好食o既; 奇妙帶子xxx(唔記得咩野名)- 又幾得意,有d帶子,茄子粒,米通,聰咁少埋一齊,都可以;梅菜炒菜心- 只係名如其名,冇咩特別甜品叫左法式焦糖燉蛋- 我覺得幾好味,雖然唔似燉蛋,好似蛋味慕士, 另外蛋白杏仁茶,都可以!overall,都唔係話特別好好食,但都唔差,一般稻香水準,睇menu以為好貴,但埋單,四個人都係五百蚊,因為佢三免呀, 但有樣野唔滿意係,九點有人好突然遞張單埋黎叫我地比錢,事前係冇通知過我地幾點要交台,我book位,同入坐時都係無講過架! 所以唔太好,雖然我地都食飽準備走,但事前講聲條氣都順d嘛...