甜蜜蜜新生咖啡店 (已結業)

見到開o左間新食店, 於是忍唔住試下。夾o岩放工時間, 而呢間店好似又早休息, 我同我家姐 6:15pm 左右去到當食 dinner。古坑咖啡係店裡推薦的, 咖啡豆由台灣古坑入口 (鄧麗君故鄉), 佢味道較淡、唔酸、但唔算好香, 我就覺得唔錯。另外雪中蓮 (豆腐芝士蛋糕) 同雪化粧 (cream + 栗子蓉 + 蛋糕粒) 都係推介食品。雪中蓮味道清淡, 好o岩好似我呢d 唔中意食太甜o既人。雪化粧我只試o左一口, 感覺似食栗子蛋糕。兩款都 ok 啦。發現其實店內食物種類唔多, 三文治、熱狗、吐司、飛碟同沙律 (味道選擇唔多)。另外唔知係咪個 menu 日日唔同呢? 有個類似廚師推介o既 menu, 印象中有個意粉, 另外係三文治同沙律 (兩種均可以選擇配黑椒牛肉、煙三文魚或煙火雞肉)。我就點o左煙三文魚沙律, 有個黑醋跟, 菜o既份量比想像中多, 都 ok (煙三文魚味道一般啦)。我姐原本想食熱狗, 但佢無... 改為點煙三文魚三文治。我見塊包係穀穀包, 中間又有菜夾, 好似唔錯。店員服務好好 (甚至部分好殷勤), 可能時間關係, 環境都寧靜。不過係食物方面無咩特色, 值唔值呢個價錢係