毓民私房牛肉麵 (已結業)

專程o黎好日都唔會去o既旺角試毓民招牌牛肉麵, 食第一啖已覺得佢無得同尖沙咀o個間"台灣牛肉麵" 比. 毓民o既湯底唔算濃, d麵亦唔夠入味. 不過勝在唔油. d 牛肉好奇o地有少少腥味, 可能都係唔入味o既關係....好睬有好幾舊清甜蘿蔔補番... 朋友叫o左魯肉飯, 無乜汁&無見開o既滷水蛋...所以唔係好吸引. 另外試o左個"冬菇蛋餅", 麵粉蛋餅皮o既質感唔錯, 可惜d冬菇好dry兼帶苦...(可能又係無乜用調味料...) 應該叫"肉鬆蛋餅"會好好多.可能毓民sell健康, 所以d野唔係好油,如果味道可以濃d就好喇. 唔抱咁大expectation o黎食應該會好d!