M18 (已結業)

放工久違的經過樂富, 7點幾已是晚餐時間, 便隨興的揀了這間唔太多人的M18試試。M18以飽點為主, 但晚餐選擇亦唔少, 都有6,7款套餐, 主要都係意粉之類。Set 1的「泡菜芝士撈辛辣麵」, 可選雞扒/豬頸肉, 我選擇了豬頸肉。套餐$62配餐湯及飲品(樽裝汽水/熱飲唔使加錢)。餐湯只有一款蕃茄湯, 入口幾酸下, 食到幾多蕃茄粒, 味道有點似羅宋湯, 還可以主菜一上, 見到係撈麵上灑上辣粉, 賣相唔錯。撈完之後就變成上圖, 辣粉唔算落得多, 所以其實唔太辣。豬頸肉有5塊, 可惜大多偏韌, 亦冇咩味道, 泡菜份量亦唔多, 不過可以接受嘅。至於個公仔麵就好明顯唔係韓國貨, 加上煮得太耐了, 麵身超軟, 完全冇韓式辛辣麵嘅彈牙口感(嘛不過佢又冇講明係「韓式辛辣麵」...) 猶幸芝士醬落得夠多, 不辱「芝士撈麵」之名, 令我對呢個麵加返啲分。其實$62擺明係偏貴, 係裝修好少少...不過味道整體都OK, 都可以一試嘅。