星級扒房 (已結業)

因為我今日好準時收工，所以出咗旺角就行住等大少，到佢嚟到話不如開個FoodGuLu Apps睇吓附近有咩可以遙距拎飛等位，本身朗豪坊13樓間日牛火鍋係可以，點知突然間依家轉咗唔得，我地上到去見到超多人，梗係即走喇~本身想食泰菜或者意粉，點知行行吓，突然我又想鋸扒XDXD大少就話不如去喜來稀肉對面間扒房食，我梗係好喇，未食過嘛~由於個餐係半自助式，所以係有沙律吧可以自己挑選，主要有車厘茄、青瓜、鷹咀豆、紅腰豆、粟米、菠蘿、哈蜜瓜、西瓜、沙律菜，而沙律汁方面，有醋、千島醬、凱撒醬，另外亦都有預先整好嘅沙律、泰式沙律，熟食就有蒜蓉包、薯條雜菜湯 - 好特別，入面有鷹咀豆，好少西餐廳西湯會加鷹咀豆，另外個湯我覺得酸咗少少特級西冷牛扒 - 因為碟上關係我叫全熟，我就覺得都淋嘅，但係就無乜牛味，同埋個面煎得燶咗少少安格斯極上西冷牛扒 - 大少叫嘅係7成熟，因為都係因為唔係鐵板上，平時鐵板佢會叫5成，呢個牛味重啲，但係我就覺得比我個西冷韌少少奶凍 - 呢個都係士多啤梨醬少左啲，多啲會好少少