影片
更多
2017-01-01
1993 瀏覽
聖誕長假期最後一日, 要珍惜時光!!! 繼續約朋友出街食飯, 慶祝聖誕~~朋友想近近地喺返觀塘區食, 上網search search搵到呢間食慢煮嘅餐廳。一於決定去試一試佢!! 唔知係咪新開, 25號打電話book枱, 都有位!! 喺駱駝漆大廈, 好易搵, 係多人等。入到去, 環境唔錯, 安排左梳發位置俾我地, 對住個廚房。佈置都幾好, 舒服同空間唔逼。侍應好快奉上水同menu。menu係比較簡單, 只有5款set dinner揀。我地一行4人, 除左第一款沙律無揀之外, 其他每樣揀一款。餐湯係小茴香甘筍奶油湯配蒜蓉包, 飲落有啲啲牛腩味, 可能係因為有香料。味道正常, 蒜蓉包好味, 勁多蒜蓉。前菜係青口沙律配油醋汁。青口有少少酒味, 沙律菜撈得幾好同幾嫩。佢有介紹係咩菜, 但唔記得。主菜: 慢煮雞扒配柚子汁同蕃茄意粉。雞扒份量都大件, 皮脆而且上面嘅柚子醬唔太甜, 都ok。意粉就正常嘅。慢煮紅酒牛脷伴紅米飯。紅米飯賣哂, 所以轉左薯蓉。個薯蓉都唔錯, 加左啲肉醬同芝士焗, 熱辣辣, 薯蓉幼滑!!! 牛脷都煮得入味, 配菜有紅蘿蔔同薯仔, 兩樣都炆到好淋同入味!!!煙三文魚配忌廉汁天
朋友想近近地喺返觀塘區食, 上網search search搵到呢間食慢煮嘅餐廳。一於決定去試一試佢!! 唔知係咪新開, 25號打電話book枱, 都有位!!
喺駱駝漆大廈, 好易搵, 係多人等。入到去, 環境唔錯, 安排左梳發位置俾我地, 對住個廚房。佈置都幾好, 舒服同空間唔逼。
侍應好快奉上水同menu。menu係比較簡單, 只有5款set dinner揀。我地一行4人, 除左第一款沙律無揀之外, 其他每樣揀一款。
餐湯係小茴香甘筍奶油湯配蒜蓉包, 飲落有啲啲牛腩味, 可能係因為有香料。味道正常, 蒜蓉包好味, 勁多蒜蓉。
前菜係青口沙律配油醋汁。青口有少少酒味, 沙律菜撈得幾好同幾嫩。佢有介紹係咩菜, 但唔記得。
主菜: 慢煮雞扒配柚子汁同蕃茄意粉。雞扒份量都大件, 皮脆而且上面嘅柚子醬唔太甜, 都ok。意粉就正常嘅。
慢煮紅酒牛脷伴紅米飯。紅米飯賣哂, 所以轉左薯蓉。個薯蓉都唔錯, 加左啲肉醬同芝士焗, 熱辣辣, 薯蓉幼滑!!! 牛脷都煮得入味, 配菜有紅蘿蔔同薯仔, 兩樣都炆到好淋同入味!!!
煙三文魚配忌廉汁天使麵, 三文魚嘅份量就有啲少, 但本身佢呢個set好似一百二十鬆啲, 甘係對得住個價嘅。忌廉汁香濃, 一路食都覺得好guilty r 好彩同朋友share食, 唔係肥死。
呢個係慢煮油封鴨脾伴芝士薯塊同紅酒洋蔥。呢個係最貴嗰個set dinner $2xx. 我以為慢煮嘅食物應該都會好淋, 好嫩甘, 但呢個鴨脾令我失望呢。首先佢啲肉都好難切, 切左好耐(應該唔關把刀嘅事), 而且佢中心近骨位有啲唔熟甘(我有諗過道菜式原有嘅味道同質感係咪應該係甘)。食落有啲似臘味油鴨脾, 配埋個橙汁係好味啲。芝士薯塊就麻麻, 薯蓉好食啲。紅酒洋蔥唔係我杯茶喇。
餐飲叫左奶茶。勁苦, 連飲得苦嘅我都頂唔順呀! 飲左一半頂唔順呀, 唔知係咪要落糖呢, 最後放棄左。是日甜品係玉桂蘋果奶凍, 白蘭地mousse伴威士忌草莓汁。白蘭地mousse好輕柔, 冇實的的嘅感覺, 酒味都出嘅。好味。個奶凍賣相就差左啲, 佢脫模嘅時候整爛左啲個奶凍, 而且奶凍都頗硬下, 應該係魚膠粉落多左。真係未試過甘硬嘅奶凍。上面嘅蘋果玉桂味唔重。
整體上, 呢間餐廳都算抵食。一百多啲就食到set dinner, 已經包左湯, 前菜, 主菜同甜品, 仲連埋飲品。服務上, 侍應有1位, 禮貌ok, 都勤力加水。環境係幾好坐, 寬敞舒適。可惜佢地嘅慢煮菜式普普通通。
張貼
