勝博殿日式炸豬排 (已結業)

今日特然想食吉列豬排，就諗起勝博殿。一向都知道呢間到放飯時間不嬲都超多人，於是特登等到2:30p.m.先去，估唔到都要等10-15分鐘叫左碟吉列蠔同埋吉列豬排定食。等野食既其間，我同朋友狂食椰菜絲，配上柚子汁，非常開胃。侍應見我地差唔多食完椰菜絲，仲主動上前問我地要唔要再添。服務態度唔錯!!等左陣碟吉列蠔終於黎喇!! 食果時真係要小心燙到啊! 熱辣辣，一咬落去D蠔汁'必'左出黎，粉漿唔多，薄薄地，隻蠔好大粒。一個字正!到主菜喇~ 吉列豬扒定食。嘩!就咁睇，塊豬排真係超厚，粉漿少，多肉汁，外層鬆脆，不過肉有D瘦，咬落有D UN，攝牙罅。不過我叫呢個都只係$78，以呢個價錢黎講，都算係抵食既!