富記大排檔

營業中

休息中

生左兩件小朋友後，小朋友太細,生日都唔想出太遠食，就腳在屋企附近食大排檔。呢間富記都幾旺，地方就腳，都坐得幾舒服！叫左個龍蝦🦞餐，龍蝦炸到有點乾，但食得出係新鮮既，個汁mama地⋯可能我都成日去酒樓食龍蝦，所以要求都高。酸甜骨㕦味道好好，大女大啖大啖食好開心。黄金鮮尤又油又鹹，真係唔係好掂。之前食過黄金蝦都無咁鹹，唔知師傅搞咩咁重手！啫啫芥蘭就好好食，又香又夠鑊氣！連配菜蒜頭都清曬。一家人食飯點都開心既！