功夫點心

營業中

休息中

突然想飲茶，唔想再去公司附近酒樓，咁岩上Openrice 又搵到呢間，決定一試。12:30 來到，餐廳先坐左一半人左右，唔使等位係正既！一坐低就叫野食，都等左15分鐘先有得食，可能真係即蒸所以要等耐哦掛。蝦餃燒賣，$9/粒，但食唔出咩特別。其他都不過不失啦，唔知有咩特別。但陳村粉...乾到爆，好似食緊漿糊乾咁。兩個埋單$163，雖然佢比酒樓平啲，但我寧願俾多少少錢去正規酒樓，起碼啲食物會熱啲。侍應態度冇其他食評咁差既，起碼叫一次就應我。