maze Grill (已結業)

終於有機會到訪，試試大師Gordon Ramsey嘅威靈頓牛柳食譜！酥皮做得不錯，唔會過厚，喺有crepe打底嘅幫助下，外面酥皮就算底部亦keep到鬆脆。牛柳方面，揀嘅部位亦夠腍無筋，出品肉芯亦係粉紅色，略嫌不足嘅就係牛柳外到內都係一隻粉紅色，冇果種由外熱焗熟，焗到裏面半熟嘅感覺，估計係為左預防overcook，牛已經預先慢煮，外面亦冇乜煎封過嘅肉香，有點失真。至於個Duxelles，菇香亦有點不足，而且唔太覺有mustard味，只有食到邊皮果塊酥皮，先終於食到有芥辣嘅痕跡。當然，實際營運都係一大考慮，因為做威靈頓最難就係維持每一份嘅水準，但如果要犧牲菜式原意或味道，可能就要改善一下。其他菜式，例如和牛片、烤八爪魚、鴨肉西瓜沙律、Porterhouse都不過不失，又未至於會有驚喜，所以不作詳談。