瓏門小廚 (已結業)

今日同朋友到大圍仁安醫院探靚太，皆因靚太生左個眉清目秀，鼻高高的小公主。 之後我們坐車落大圍食晏，行到火車站附近，見到有間食上海菜的舖頭，就決定試下，我叫左回窩肉，菜飯和豆漿，朋友就叫左紅燒豬手，菜飯和菊花茶。 回窩肉一賣相幾靚，但只有全肥豬腩片炒椰菜，又咸又辣。 紅燒豬手一豬手有4－5舊，炇得夠淋，好入 味，但部分豬手尚有豬毛未清乾淨。 菜飯一白飯加上小棠菜，菜仲好爽口，菜的比例也很多，好食。 豆漿，菊花茶一兩樣都很淡，1個冇豆味，1個冇菊花味。 不過40多元1個餐都算抵食!