稻香 (恆星樓)

營業中

休息中

最近返尖沙咀區，餐餐食lunch 也是去嗰幾間，其他的價錢也偏高。 諗諗吓不如索性去飲茶，反正也差不多價錢，最少坐得舒服，冷氣又夠，雖然得一個鐘，精神上有充電嘅感覺。 稻香整咗自動煲水機在每張枱旁邊，真係好正設計，最少大家唔使成日揮揮手等人到。 點心款式間間也差不多，不過可能流量夠多，點心又幾新鮮，春卷也炸到脆卜卜熱辣辣。 不過咁多款除了奶皇卷就真係一般，奶皇唔香唔滑又唔夠多，口感有啲粗糙及漿口感覺。 蝦餃就可能蒸耐咗，個外皮好濕，個餡也不夠爽口。