華嫂冰室 (棉登徑) (已搬遷) 新店位置

今日食飯時間唔算太肚餓，就嚟咗呢間好出名嘅冰室試吓佢嘅下午茶😆呢度嘅招牌菜之一係豬扒菠蘿包，就嗌咗一個黎試吓😋菠蘿包上枱見到份量好足，除咗有豬扒之外，仲有生菜蕃茄同少少汁，豬扒味道唔錯，醃到好入味，可惜對我來講，甜嘅菠蘿包同鹹嘅豬扒味道唔係太夾，招牌嘅菠蘿包食落都唔覺得非常特別，價錢來講亦都唔算太吸引，有少少失望，唔知係咪因為開多咗分店嘅關係，質素有影響呢？😕下次如果我嚟嘅話唔會再揀菠蘿包，但係會揀豬扒蕃茄湯麵試下，希望下次唔會再失望☺️